د بەردەوامیا سەرەدانێن مەیدانی بۆ زانکۆ و ناڤەندێن ئەکادیمی ل هەرێما کوردستانێ، ڕێزدار  (د. ئارام محمد قادر) وەزیرێ خواندنا بلند و ڤەکۆلینێن زانستی، سەرەدانەکا مەیدانی بۆ زانکۆیا زاخۆ ئەنجامدا. مەرەما سەرەکی یا ڤێ سەرەدانێ، ژ نێزیک ئاگەهداربوون بوو ل سەر ڕەوشا زانستی، کارگێری و دارایی یا زانکۆیێ و دویڤچوونا کار و پرۆژەیێن خواندنا بلنڕ.
ل دەستپێکێ، وەزیرێ خواندنا بلند ژلایێ ڕێزدار (پ.د. دیار عبدالکریم سعید) سەرۆکێ زانکۆیێ و هاریکارێن وی، و ڕاگرێن کۆلێژان ڤە ب گەرمی هاتە پێشوازیکردن.
ئەنجامدانا کۆنگرەیەکێ ڕۆژنامەڤانی:
هەر د چاارچۆڤێ سەرەدانێ دا، کۆنگرەکێ ڕۆژنامەڤانی بۆ وەزیرێ خواندنا بلند هاتە سازکرن. تێدا، دەزگەهێن جودا یێن ڕاگەهاندنێ ئامادە بوون و چەندین پسیارێن گرنگ ل دۆر پاشەڕۆژا خواندنێ و پلانێن وەزارەتێ ئاراستەی وەزیری کرن، ئەو ژی ل سەر بنەمایێ ستراتیژیەتا وەزارەتێ ب تێروتەسەلی هاتنە بەرسڤدان.
کۆبوونەوا بەرفڕەهـ و گەنگەشەکرنا ڕەوشا زانکۆیێ:
پاشان، د کۆمبوونەکێ دا کو دگەل سەرۆکێ زانکۆیێ و هاریکار و ڕاگرێن کۆلێژان هاتە بەستن، ڕاپۆرتێن هویر ل دۆر ڕەوشا نوکە یا زانکۆیا زاخۆ ژ لایێ زانستی، کارگێری و دارایی ڤە هاتنە پێشکێشکرن. د ئەڤێ کومبوونێ دا، ئاریشە و پێدڤیێن زانکۆیێ ب درێژی هاتنە گەنگەشەکرن و دانوستاندن ل سەر چارەسەریێن گونجای هاتە کرن.
پەیڤا وەزیرێ خواندنا بلند:
"وەزارەتا خواندنا بلند و ڤەکۆلینێن زانستی پشتەڤانیا تەمام یا لایەنێ زانستی و کارگێری یێ زانکۆیا زاخۆ دکەت. ئەم د بەرهەڤن ب هەمی شیان پشتەڤانیێ بدەینە قوتابیان و پڕۆسێسا ئەکادیمی ل ڤێ زانکۆیێ بەرەڤ پێش ببەین."
ڤێ سەرەدانێ نیشان دا، کۆ گرنگیەکا مەزن ب ئاستێ زانستی یێ زانکۆیێن دەڤەرێ دهێتە دان و دێ بیتە ئەگەرێ زێدەتر پێشڤەبرنا لایەنێ ئەکادیمی ل زانکۆیا زاخۆ.